فقالت السيدة صباح : لو كان الكلام دا صحيح ازاي هتفسروا التسجيل اللي سمعتو في الأخبار ؟ نور : ماما مهران هو اللي نشر الأشاعة دي زي ما عمل المرة اللي فاتت علشان يشوه سمعتي انا وحسام . في تلك اللحظة عاد حسام الى المنزل ومعه سليم فدخلا ووجدا السيدة صباح وأبنتها لمى ، فأستغرب حسام من وجودهن وقال : مساء الخير يا جــ,,ـماعة . السيدة عائشة : انت جيت يابني.. قولي هتعمل ايه في المشكلة دي ؟
حسام : اطمني يا ماما …كلو هيبقى تمام بس بعد اذنكوا انا عايز اتكلم مع نور الاول. قال ذلك ثم التفت إلى نور وسحبها من يدها قائلاً : تعالي ورايا. فارتبكت نور اما السيدة صباح فقالت : هو في ايه ؟؟ متفهوني يا خلق ايه اللي بيحصل ! السيدة عائشة : متشغليش بالك يا ست صباح وان شاء الله كل حاجة هتبقى تمام. – في غرفة حسام…… دخل هو ونور ثم اغلق الباب وافلت يدها قائلاً : ايه اللي جاب امك واختك هنا دلوقتي ؟
نور : ماما عايزه ترجعني البيت… اصلها شافت الاخبار وجت علشان ترجعني معاها البيت. حسام : نعم… اتفضلتي ايه حضرتك ؟؟ انتي متقدريش تمشي لان بينا اتفاق. نور : انا عارفه الكلام دا بس ازاي هنتخلص من المشكلة اللي احنا فيها ؟ فتنهد حسام قائلاً : انا لاقيت حل للمشكلة دي . نور : وايه هو ؟ حسام : هنعمل مؤتمر صحفي و هنشر تكذيب للخبر وانتي هتظهري معايا فيه وهتقولي انك حامل. فاندهشت نور كثيراً وقالت : نــعــم !
حسام : اهدي علشان اقدر افهمك… احنا هنقول في المؤتمر انك حامل والسبب الاول علشان امك تسيبك قاعدة هنا وهي اكيد مش هترجعك البيت بعد ما تعرف انك حامل اما السبب التاني علشان نقدر نقنع الناس ان الاشاعة دي مهياش الا كدبة لاني اكيد مش هضــ,,ـرب مراتي وهي حامل. نور : بس …ازاي هنقول الكلام دا ؟ يعني احنا مابقلناش مدة طويلة متجوزين ازاي هيخصل حمل .
حسام : ايه العبط دا ! احنا بقالنا شهر متجوزين وعلى ما اظن ان مفيش وقت محدد للحمل ، وبعدين طبيعي جداً ان الست تحمل بعد ما تجوز والا انتي رأيك ايه يا… مراتي ؟ في تلك الحظة شعرت نور بالحرج وقالت : لاء… انا مش هقول الكلام دا الا على جــ,,ـثتي… وبعدين احنا مش متجوزين فعلياً علشان كدا متقوليش مراتي . قالت ذلك وارادت ان تخرج ، ولكنه امسك ذراعها وقال : دي الطريقة الوحيده اللي ممكن تخرجنا من الورطة دي وبعدين متنسيش ان بينا اتفاق وانتي لازم تسمعي كلامي.
فنظرت اليه وقالت بحدة : ممكن اعرف حضرتك ليه عماله تزعق في وشي دلوقتي ؟ مهو انت السبب في اللي حصل دا كلو والا انت نسيت عملت فيا ايه امبارح ؟ فشعر حسام بالذنب لذا ترك ذراعها وقال بتلعثم : بالمناسبة انتي .. انتي كويسه ؟ نور : ويهمك في ايه لو كنت كويسه ولا لاء ؟ حسام : اسمعيني يا استاذة كويس… انا ماكنتش قاصد إذيكي ابداً بس انتي اللي استفزتيني امبارح ، وبعدين انا اعتذرتلك اكتر من مرة علشان كدا بطلي الدلع بتاعك دا واعملي اللي قولتلك عليه لاني بدفعلك علشان تسمعي كلامي.
نور : ولو قلتلك اني مش هسمع كلامك ومش هقول اني حامل هتعمل ايه ؟ فأقترب منها كثيراً حيث انها عادت الى الخلف لدرجة ان ظهرها التصق بالحائط وبدأ قلبها يرتعش ، ثم قالت بتلعثم : ان… انت عايز ايه ؟ فرفع حسام حاجبة وقال بنبرة باردة : هتعملي اللي بقولك عليه ولا….. قال ذلك واقترب منها اكثر حتى كادت شفاهما ان تتلامس ، اما هي فشعرت بالقشعريرة تسري في جسدها وقالت : ولا ايه ؟
فوضع يده على خدها وابعد خصلة الشعر المنسدله عن وجهها وقال بخب.ث : ولا تحبي تشوفي مني حاجة مش هتعجبك ؟ اظن انتي فاهمة قصدي كويس مش كدا ؟ فحاولت نور التملص منه وقالت : ابعد…. خليني امشي , انا مش مستريحة بوقفتنا دي خالص . فابتسم حسام بخب.ث وقال : ليه ؟ انتي مش مراتي برضو ؟؟ قال ذلك واقترب منها اكثر واكثر ، اما هي فاغمضت عيناها وقالت : طيب خلاص خلاص… هعمل كل اللي انت عايزو بس ابعد شويه.
فابتعد حسام عنها وقال : يبقى اتفقنا. اما هي فأخذت نفس عميق وقالت : انت ايه ؟؟ معندكش دم ؟ حسام : مطوليش لسانك وخلينا ننزل علشان نقول للكل الخبر دا . قال ذلك وخرج من الغرفة ، اما هي فوضعت يدها على صـ,,ـدرها وقالت : ايه اللي حصلك يا نور ؟ انتي ليه حاسة كدا ؟ لازم تبقي قوية علشان متخليش الراجل دا يهزمك . قالت ذلك ثم اخذت نفساً عميقاً وخرجت من الغرفة ثم نزلت الى حيث كان الجميع ينتظرونها ، اما السيده صباح فقالت : مش عايزين تفهمونا ايه اللي بيحصل لبنتي في البيت دا ؟
فقال حسام : بليز قعدي الاول واحنا هنقلكوا على كل حاجة . اما السيدة عائشة فقالت : منى … قولي لحليمة تعمل شاي لضيوفنا . منى : حاضر يا ماما . اما لمى فقالت : يلا يا نور …فهمينا ايه اللي بيحصل . نور : متقلقوش يا لمى … انا كويسة اهو وزي الفل . فقال حسام : كل اللي اتنشر في الأخبار كدب لاني مضــ,,ـربتش نور ابداً وهي كويسة زي منتوا شايفين . السيدة صباح : امال ايه التسجيل اللي نشرو مهران دا ؟ مش اللي كان بيتكلم هو حضرتك برضو يا حسام بيه ؟
فقال سليم : التسجيل مزيف يا طنت . فنظروا جميعاً اليه اما حسام فقال : ايوا ..التسجيل مش حقيقي .. يعني بالعقل كدا هو ازاي قدر يسمع المحــ,,ـادثة اللي حصلت بيني وبين سليم وهو ميقدرش يقرب مني خالص ؟ فقالت لمى : دا صحيح ؟ هو ازاي قدر يسجل المكالمة اللي حصلت ؟ سليم : علشان كدا احنا بنقول ان التسجيل دا مزيف . اما السيدة عائشة فقالت : صدقيني يا ست صباح انا مخلفتش وعدي ابداً واهي نور قدامك وتقدري تسأليها قد ايه احنا بنحبها ومستحيل اسيب اي حد يأذيها حتى لو كان الشخص دا هو حسام نفسو .
نور : طنت عائشة عندها حق يا ماما … الكل بيعاملوني هنا زي ما أكون أميرة . قالت ذلك ونظرت الى حسام الذي كان جالساً بجانبها بطرف عينها ثم قالت في نفسها : الكل الا الراجل دا . اما هو فأمسك بيدها وأبتسم قائلاً : وبعدين ازاي هضــ,,ـربها وهي حامل ؟ فنظروا جميعاً اليهما وقالت لمى بدهشة : ايه ؟ حامل ! فأبتسم حسام وقال : ايوا ..نور حامل ، مش كدا يا روحي ؟
فنظرت نور اليه وكادت ان تــ,,ـه ولكنها تمالكت نفسها وأبتسمت بتصنع قائلة : بخصوص الموضوع دا …. فقاطعتها امها بقولها : الخبر دا حقيقي يا حبيبتي ؟ فتنهدت نور بأستسلام وقالت : ايوا . السيدة صباح : بس انتوا مش شايفين انكوا استعجلتوا شوية ؟ فنظرت نور الى حسام بحدة وقالت : اهو حصل اللي حصل بقى . اما السيده عائشة وسليم ومنى فكانوا يعلمون ان هذه كذبه لذا لم يقولوا اي شيء بل قالت السيده عائشة : معقول اللي بسمعو دا ؟؟ واو انا فرحانه اوي !
فأبتسم سليم بتصنع قائلاً : الف مبروك يا جــ,,ـماعة . اما منى فقالت : انا فرحت اوي علشان هبقى عمة مرة تانية . فابتسم حسام وقال : متشكرين يا جــ,,ـماعة . في تلك اللحظة نهضت لمى وقالت : انا مش مصدقة اللي انتوا بتقولوه دا. فنظروا جميعاً اليها اما نور فقالت : وليه بتقولي كدا يا لمى ؟ لمى : لانك كويسه يا نور ومش باين عليكي انك تعبانه زي ما تبقى الست في اول حملها !
فضحك الجميع عليها وقالت السيده صباح : مش شرط كل الستات بيحسوا بتعب في اول حملهم يا بنتي… وبعدين اختك قوية يعني جايز علشان كدا هي مش تعبانه دلوقتي. اما السيده عائشه فقالت : ودلوقتي قررتي ايه يا ست صباح ؟ عايزه ترجعي نور البيت ولا هتسيبيها في بيت جوزها ؟ السيدة صباح : لا هسيبها هنا بس انتوا لازم تخلوا بالكوا منها كويس وخصوصاً بعد ما عرفنا انها حامل. فقال حسام : متقلقيش يا طنت… انا هحطها هي والبيبي جوا عينيا.
فابتسمت السيدة صباح قائله : ودا عشمي فيك برضو يابني. اما نور فنظرت اليه بتعجب وقالت في نفسها : ايه الراجل المجنون دا ؟ هو كذب الكدبة وعايز يصدقها ولا ايه ! السيدة صباح : طيب يا جــ,,ـماعة… احنا لازم نرجع بيتنا دلوقتي ، يلا يا لمى. فنهضت لمى وقالت : حاضر يا ماما… ارجوكي يا نور خلي بالك من نفسك كويس اتفقنا. فابتسمت نور قائله : متخفيش يا حبيبتي… هبقى كويسة ان شاء الله.
فعانقتها السيدة صباح قائله : خلي بالك من نفسك كويس يا روحي وان شاء الله انا هبقى ازورك في وقت تاني. نور : ان شاء الله. – ثم غادرت السيده صباح وابنتها لمى وبقيت عائلة الشناوي جالسين ومعهم سليم ، فقالت السيده عائشه : ممكن تفهموني ليه قولتوا الكدبة دي ؟ حسام : دي الطريقة الوحيدة علشان نخلي الناس تصدقنا. منى : وايه اللي هتعملوا بخصوص الاشاعات الجديدة ؟ حسام : هنعمل مؤتمر صحفي وهنقول للصحافة نفس الكدبة علشان الناس تصدق… يعني محدش هيصدق اني ضــ,,ـربت مراتي وهي حامل وبعدين نور هتظهر في المؤتمر وزي منتوا شايفين هي مفيهاش حاجة.
فابتسمت السيدة عائشة قائله : دي فكرة كويسة… بس ايه رأيك انتي يا نور ؟؟ يعني مش هتزعلي لما حسام هيقول للناس انك حامل بأبنو ؟ فتنهدت نور وقالت : مفيش قدامي حل تاني غير اني اوافق لان حضرة الاستاذ اجبرني اعمل كدا. قالت ذلك ونظرت الى حسام بعين ونصف ، اما هو فقال : سليم… روح قول للصحافيين اني هعمل مؤتمر صحفي بعد ساعتين من دلوقتي. سليم : اوك… منى تعالي معايا شوية… انا عايز اتكلم معاكي.
فاستغربت منى وقالت : خير..في حاجة ؟ سليم : تعالي وهتعرفي. منى : ماشي. سليم : عن اذنك يا طنت. – ثم خرجت منى برفقة سليم الى الحديقة وهناك سألته : في ايه يا سليم ؟ سليم : اسمعي اللي هقولك عليه كويس يا منى… انتي لازم تخلي بالك من نور ومتسيبيهاش تقرب من حسام لما يبقى متعصب علشان مايأذيهاش زي ما عمل امبارح. فوضعت منى يدها على فمها وقالت بفزع : يعني الكلام طلع حقيقي ؟؟ هو ضــ,,ـربها فعلاً !
سليم : لاء هو مضــ,,ـربهاش خالص بس اتخانقوا وهو كان متعصب اوي علشان كدا زقها وهي وقعت وايدها اتعورت شوية والسبب اللي خلى حسام يعمل كدا لان نور عرفت كل الحقيقة وان رجاء لسا عايشة… وهي لما سألتوا اتجنن وانتي عارفه يبقى ازاي لما حد يسألو عن مراتو. فقالت منى بهلع : يا نهار اسود…. طب هي عرفت ازاي ؟؟ مين اللي قلها ؟
سليم : هشرحلك كل حاجة بعدين اما دلوقتي انتي لازم تعملي اللي قولتلك عليه ومتخليش حسام يقرب من نور خالص لما يكون متعصب وكمان انتوا لازم تخلوا بالكوا من الشغالين اللي في البيت علشان محدش يعرف ان حكاية الحمل دي مزيفة. منى : ماشي.. متشكرة يا سليم. سليم : مفيش داعي انك تشكريني يا منى.. حسام صاحبي ومن واجبي اني احمية. فلمعت عينا منى وقالت : طيب وانا…. مش عايز تحميني يا سليم ؟ فابتسم سليم ثم اقترب منها وهمس في اذنها قائلاً : ودا سؤال برضو يا منى ؟ ازاي مش هحميكي وانتي تبقى…. اخت صاحبي الصغيره ؟
فأنزعجت منى منه ودفعته قائله : اخت صاحبك ؟؟ انت بتعتبرني اخت صاحبك وبس ؟ سليم : مش هي دي الحقيقة ش؟؟ استني… هو انتي عندك رأي تاني ولا ايه ؟ منى : لاء معنديش اي رأي تاني بس عايزه اقولك حاجة قبل ما امشي. سليم : ايه هي ؟ منى : اللهي تتكعبل وتقع على وشك انت وصاحبك دا اللي مش بيجيب لنا غير المصايب…ودلوقتي عن اذنك. قالت ذلك ودخلت الى المنزل ، اما هو فوقف يضحك عليها وقال : دي صدقت كلامي بجد حتى انها زعلت ! بس انا هعرف ازاي اخليها تصالحني.
في الداخل…. دخلت منى الى المنزل وهي تثرثر قائله : العبيط… بعد كل الاهتمام والمعاملة الحلوه لسا معتبرني اخت صاحبو بس ؟؟ بس الحق مش عليه… انا العبيطة اللي سألتو. وبينما كانت تتكلم مع نفسها رأتها نور فذهبت اليها وقالت : منى !! مالك يا حبيبتي ؟ فألتفتت منى اليها وقالت : مفيش.. متشغليش بالك. نور : انتي كويسه مش كدا ؟ فأومت منى لها برأسها قائله : ايوا يا حبيبتي. نور : كويس.. اه صحيح… انا كنت بدور عليكي علشان تساعديني .
منى : في ايه ؟ نور : بصراحة انا مش عارفه اختار الهدوم اللي هلبسهم في المؤتمر الصحفي وعايزاكي تساعديني دا لو كان عندك وقت طبعاً . منى : اكيد يا روحي… يلا بينا. تسارع في الأحداث ………………….. حان موعد المؤتمر الصحفي وقد استعدت نور بعدما ساعدتها منى ، اما حسام فوقف امام باب غرفته متوتر ومن ثم قام بفتح الباب وقال : انتي جاهزه ؟ فألتفتت نور اليه وقالت : ايوا. حسام : يبقى خلينا نمشي.
نور : ماشي. * في المؤتمر ……