مهران : دا انتي اللي معقده اوي ولو فضلتي تفكري بالطريقة الرجعية دي عمرك مهتلاقي واحد يحبك وهتبقي طول عمرك وحيدة. نور : لو كان النوم مع الرجالة قبل الزواج هو اساس العلاقة فانا مش عايزه احب حد تاني.. ومن اللحظة دي انت بقيت غريب عني واياك تتصل بيا مره تاني انت فاهم ؟ قالت ذلك ثم خرجت من الغرفة ركضاً وقد كانت منزعجه جداً ، اما مهران فجلس وقال : ايه البنت المعقده دي ؟؟ هي افتكرت اني هتجوزها فعلاً ؟
في مكان اخر…. ☆ كانت نور حزينه وغاضبه وحزينه في الوقت ذاته لدرجة انها ذهبت الى احدى النوادي الليلية القريبة من الفندق وجلست امام البار ومن شدة غضــ,,ـبها طلبت مشروباً كحولياً واخذت تشرب دون توقف وقد كانت هذه المرة الاولى التي تفعل بها شيئاً مشيناً يتعارض مع مبادئها كهذا وفي نفس المكان كان حسام الشناوي جالساً بالقرب منها وكان ثملاً تماماً فأنتبه عليها وهي تشرب ثم قال لها بنبرة ثمله : انتي يا انسة… فنظرت اليه وهي شبه ثمله ثم قالت : انت بتتكلم معايا انا ؟
حسام : ايوا بكلمك انتي.. قومي قعدي بعيد عني لأني مش عايز حد يقد هنا. فنطرت اليه ثم ابتسمت بأستهزاء وقالت : ايه ؟ وانت مين علشان تطلب مني اعمل كدا ؟؟ حسام : انا مش بطلب منك.. انا بأمرك انك تعملي كدا علشان انتي وحده ست وانا بكره الستات فالأحسن انك تقومي من هنا بسرعة. فقالت بسخــ,,ـرية : ملكش دعوة بيا انت فاهم ؟؟ وبعدين انا اقعد مطرح مانا عايزه ولو مش عاجبك الكلام دا تقدر تمشي.
حسام : كدا… طيب برحتك خالص. قال ذلك ثم وقف فاخذ يترنح في مكانه وامسك بكأس المشروب الخاص به ومن ثم سكبه على رأسها فصرخت قائله : عملت كدا ليه يا مجنون ؟؟ فاجابها حسام وهو ثمل تماماً : انا المجنون برضو ولا انتي اللي مبتفهميش ابداً ؟؟ فقالت نور بأنزعاج شديد : انا… انا هوريك دلوقتي انت علقت مع مين ! قالت ذلك ثم امسكت مشروبها وسكبته عليه فصرخ في وجهها قائلاً : انتي اتجننتي ؟؟ متعرفيش انا مين ؟ دا انا ممكن اسود عيشتك انتي سامعه ؟؟
نور : انت اللي ابتديت في الاول والبادي أظلــ,,ـم. فامسك حسام زجاجة من النبيذ الاحمر كانت بالقرب منه ثم سكبها على رأس نور فاصبح لونها احمر تماماً ، اما هي فصرخت قائله : ايه اللي انت عملتوا دا ؟ حسام : علشان تعرفي تلعبي معايا كويس . *واستمرت المشاـ,,ــــجرة بينهما امام النادل الذي تعجب من تصرفهما ، لذلك طرد نور من النادي لأنه يعلم من هو حسام ولا يستطيع طرده ، فوقفت في الخارج وهي تتمايل يميناً ويساراً فصرخت قائله : يا راجل يا معفن… ازاي تطردوا الزباين كدا ؟ انا هروح واشتكيكوا في القسم دلوقتي استنوا عليا بس.
قالت ذلك ثم جلست على حافة الطريق وقالت بنبرة صوت حزينه : كلكوا زباله… كل الرجاله زباله. وبينما كانت جالسه على حافة الطريق اتصلت بها اختها لمى ، فاجابتها قائله : آلو.. لمى : انتي فين يا نور ؟؟ اتأخرتي كدا ليه ؟ فأبتسمت نور وقالت : لمى..ازيك يا حبيبتي ؟ انتي وحشتيني اوي.. فأستغربت لمى من تصرفات اختها فقالت : في ايه يا نور ؟؟ مال صوتك ! فضحكت بهستيريه نور وقالت : صوتي… صوتي جميييل اوي.
فقطبت لمى حاجبيها وقالت بذعر : هو انتي سكرانة يا نور !!! نور : اه صحيح… انا كنت سكرانه لما قررت اني احب الواطي اللي اسمه مهران دا لكن دلوقتي خلاص.. انا صحيت وبقيت عاااال العال. فتنهدت لمى وقالت : طيب انتي فين دلوقتي ؟؟ نور : همممم مش عارفه. لمى : طب في حد جنبك ؟؟ لو في حد اعطيه الموبايل علشان اتكلم معاه. فاخذت نور تتلفت حولها فرأت شاب وصديقته يريدان الدخول الى الكازينو لذا نهضت ثم ركضت نحوهما قائله : استنوا …استنوا.
فنظرت الفتاة الى صديقها وقالت : مين دي ؟ الشاب : معرفهاش ! فأبتسمت نور وقالت : لمى عايزه تتكلم معاك. الشاب : لمى مين ؟؟ انا معرفش وحدة بالاسم دا. اما الفتاة فقالت : انتي مين يا بت انتي ؟؟ وعايزه من حبيبي ايه ؟ فنظرت نور اليها ببراءة الأطفال وقالت : مش انا اللي عايزه.. دي لمى. فنظرت الفتاة الى حبيبها وقالت : بتخوني يا علاء ؟؟ علاء : والنعمة لاء.. انا معرفش وحده اسمها لمى خالص… صدقيني يا مايا.
اما نور فقالت : في حد ميعرفش لمى؟؟ دي بنت عسولة اوي. فنظر علاء اليها وقال : بقولك ايه…انتي شكلك سكرانه وعايزه تلعبي معايا فالاحسن انك تمشي من هنا قبل ما اخلي الحكومة تيجي تلمك. فنظرت نور اليه وقالت : انا عايزه امشي بس لمى طلبت مني متحركش من هنا وهي عايزه تتكلم مع حد علشان يدلها على مكاني. فتنهد علاء وقال : ماشي.. اديني الموبايل . فاعطته نور الهاتف وقال بصوت جاف : آلو…
وعندما سمعته لمى قالت : آيوا… علاء : انتي لمى ؟؟ لمى : ايوا يا فندم… البنت اللي ادتك التليفون دي تبقى اختي الكبيرة وشكلها سكرانه ومش عارفة تدلني على العنوان ف يا ريت حضرتك تدلني على مكانها علشان اجي بسرعة قبل ما يجرالها حاجة . علاء : احنا دلوقتي في كازينو *** يا ريت تيجي بسرعة علشان شكل اختك دي سكرانه على الآخر. لمى : ماشي.. متشكره جداً ، تعبتك معايا. علاء : العفو.
قال ذلك ثم اغلق الهاتف واعاده لنور قائلاً : اختك هتيجي علشان تروحك وهي قالت انك لازم تفضلي قاعده هنا. فأومت نور برأسها وقالت : ماشي. اما مايا فأمسكت بذراع علاء وسحبته قائله : خلينا نروح من هنا…مبقيتش عايزه اسهر في المكان دا ابداً. وفي مكان آخر والوقت ذاته…. اتصلت منى شقيقة حسام على سليم صديقه وعندما اجابها قال : منى….في حاجة ؟ منى : انا اسفه يا سليم لأنني ازعجتك في الوقت دا بس حسام طلع من البيت ومرجعش لغاية دلوقتي وانا اتصلت بيك علشان اسألك عنه…تعرف هو راح فين ؟
سليم : لاء.. اخر مره شفته فيها لما رجعنا من السفر وكل واحد رجع لبيته… بس خير ان شاء الله هوا في حاجة يا منى ؟ فتنهدت منى وقالت : مش عارفه اقولك ايه يا سليم. فشعر سليم بالقلق وقال : اتكلمي يا منى…حسام جراله حاجة وحشة ؟ منى : مراته هربت مع راجل تاني ولما عرف اتعصب اوي وطلع من الفيلا زي المجنون ولغاية دلوقتي مرجعش او اتصل وانا خايفه عليه جداً . فاندهش سليم عندما سمع ذلك وقال : ايه ؟؟ بتقولي رجاء هربت ؟؟ بس ازاي حصل كدا وليه ؟
منى : معرفش.. علشان كدا اتصلت بيك لأني افتكرتكوا مع بعض. سليم : متقلقيش ، هروح ادور عليه فوراً . منى : متشكره يا سليم.. هتعبك معانا. سليم : متقوليش كدا.. حسام دا يبقى اخويا وصاحبي ودا واجبي ومش هرتاح غير لما الاقيه . منى : سليم… انا عمري مطلبتش منك حاجة مش كدا ؟ ارجوك لاقي اخويا ومتخليش حاجة تجراله. سليم : متخفيش..انا هلاقيه ان شاء الله ، يلا سلام دلوقتي. منى : سلام.
ثم اغلق سليم هاتفه وبدل ملابسه وخرج من منزله بسرعة ، فبحث عن حسام كثيراً وشغل تطبيق تحديد المواقع على هاتفه لكي يجده ، وبعد مدة من البحث وجده واقفاً على سطح بناية عاليه وكان على وشك القفز فركض نحوه ثم صرخ قائلاً : حساااام !! ، متعملش كدا يا مجنون ! ~ البارت الثاني ~ قراءة ممتعة للجميع ツ – وصلنا في البارت اللي فات لما سليم شاف حسام واقف على حافة سطح البناية وكان هينتــ,,ـحر فركض نحوه ثم صرخ قائلاً : حساااام , متعملش كدا يا مجنون !
فألتفت حسام اليه وابتسم قائلاً بنبرة ثمله : سليم كويس انك جيت علشان اودعك يا صاحبي قبل ما مــ,,ـوت . فأقترب سليم منه ثم قال بحذر : حسام بلاش عبط وانزل من عندك بسرعة ! حسام : مش نازل …انا عايز امــ,,ـوت لان دا اهون عليا من اني اعيش طول عمري مذلول . سليم : متعملش كدا علشان ابنك… هو مفضلوش حد غيرك دلوقتي. حسام : دا مش سبب كافي علشان افضل عايش…سلام يا صاحبي.
قال ذلك ثم اراد ان يقفز ولكن سليم امسك به ودفعه حتى سقط على سطح البناية ، ثم صرخ به قائلاً : انت مجنون ؟ عايز تنتــ,,ـحر بالبساطة دي !