قاطعته حور / احنا مستحيل يا رحيم نسيبكوا هنيجي معاكوا
رحيم بأمر / حور انا قولت كلمه و تتنفذ
حور بإصرار / انا مستحيل اسيبك فاهم ولا لا
رحيم استسلام لأن موش وقت نقاش اصلا
طلعوا كلهم و انصدموا اما اتلاقوا تلات شباب اضخام و بنت خايفه جدا و متعوره جامد في ايديه فاتاكدوا أن دي اكيد مرات صاحبه الغالي
هجم رحيم و علي و جاسر على الشباب التلاته اللي كانوا موجودين و ضربوهم و البنات جريوا على روح و حور اخدتها في حضنه و روح عييطت كتير اوي في حضن حور و البنات قاعدين يطبطوا
عليهم
عند مراد واقف و بيبص للشباب و قال
مراد / طب كل واحد اخد واحد يضربه انا بقا اعمل يلا اشجعكوا بقا و أمري لله مع انهم فلتوا من تحت ايدي دانا كنت ناوي اعمل فيه عمايل بس يلا اترحمتوا من تحت ايدي، يلا جاسر ع قفاه، يلا يا على في بطنه، يلا رحيم في رأسه، قشطه عليكوا يا شباب، والله ما انا كنت من غيري كنتوا عملتوا ايه🤔
و مراد كان بيشجع الكل اتلق حاجة وراه ضخمه و قال
مراد / الله، ايه الحيطه اللي مريحه اللي ورايا دي حاسس اني ساند على مسند والله
ياسمين بخوف شديد / مراد
مراد ببسمه بلهاء / عيون مراد
نورا بذعر / بص كده وراك
مراد / ابص ورايه اشمعنا يعني، و الا بص احنا يعني بيهمنا حد ولا يكون يعني بيهمنا يعني
مراد بص وراه و قال بعلو صوته
مراد بفزع/ اللهم صلي علي النبي، كل ده جسم، ثم بص لجسم الشاب الرابع اللي كان مع اللي عايزين روح من تحت لفوق و قال
مراد وهو يبلع ريقه بصعوبة
مراد / حضرتك صحابك اللي
قاعدين دلوقتي يضربوا هناك دول
الشاب هز رأسه من تحت ل فوق بمعني ايوه و نظراته تخوف
مراد / يعني ينفع تسيب صحابك دلوقتي يضربوا بالطريقة دي والله يا استاذ ضخم قولتلهم ما يصحش يضربوهم و يعملوا فيهم كده و هم مسمعوش طب يرضيك ميسمعوش مني
البنات بتبص ل مراد بصدمه من اللي بيقوله و ياسمين هزت شفايفها يمين و شمال و قالت ف نفسه / يا عيني عليكي يا ياسمين و على حظك المهبب، كل الشباب قاعدين يضربوا ماشاءالله و جوزك هو اللي خايف ينضرب
الشاب الرابع بص لأصحابه و كان لسه رايح ينقذهم اتلق اللي
بيضربه بالمزهريه و طبعا ده كان مراد
انا /(برافوووووو مراد 👏)
مراد/ موش قولتلك دانا يا ابني اضربكوا كلكم بصباع ايدي
ياسمين نطت زي الأطفال و قالت
ياسمين / برافو عليك يا مارو يا حبيبي
مراد بغيط/ وحياة امك يعني انتي مبيحللكيش الدلع الا قدام الناس و في البيت و بدأ يقلدها يا مررراد يا مررراد و هنا قدام الناس تدلعي طب اعمل فيكي ايه دلوقتي
الشباب ضربوا الشباب و خلصوا ضرب فيهم لحد ما خلاص كلهم بقا دم
فهد وصل ع القصر و معرفش هو وصل ازاي اصلا الطريق اللي راح فيهم ف
اربع ساعات تقريبا وصل
فيهم ف ساعه و نص
فهد دخل القصر و بيناده على روح بعلو صوته
فهد / روووووووووووح
روح اول ما سمعت صوت فهد بطلت عياط و حست كأنه روحها اتردت ليها مره تانيه خرجت من حضن حور و جرت باقصي سرعه ووصلت و جرت على السلم و هو كمان كان لسه طالع يجري على السلم و اخيرا اتقابلت العيون بعد معانا لكام ساعه بس هم حسوها كأنه سنوات
روح جريت على فهد اللي اشتاله من علي الارض ودخلها بين ايديه و خبها كله جوه حضنه
فهد و روح خلاص روحهم اتردت لبعض خلاص هم في حضن بعض معدوش عايزين حاجة تانيه، كل اللي هم عايزينوا انه يبقوا كده في حضن بعض